ప్రయాగ్రాజ్లో ఉత్తరప్రదేశ్ పోలీసులు విద్యార్థులను అపహరించారని సమాజ్వాదీ పార్టీ అధ్యక్షుడు అఖిలేష్ యాదవ్ ఆరోపించారు. అయితే, హింస సృష్టించిన వ్యక్తులను అరెస్టు చేశామని, వారు విద్యార్థులు కాదని పోలీసులు స్పష్టం చేశారు.
సమాజ్వాదీ పార్టీ అధ్యక్షుడు అఖిలేష్ యాదవ్ సోమవారం నాడు ప్రయాగ్రాజ్లో ఉత్తరప్రదేశ్ పోలీసుల ప్రత్యేక బృందం నంబర్ ప్లేట్లు లేని వాహనంలో విద్యార్థులను అపహరించినట్లు ఆరోపించారు. తక్షణమే విద్యార్థులను విడుదల చేయాలని, ఈ అక్రమ కార్యకలాపాల్లో పాల్గొన్న పోలీసు అధికారులను సస్పెండ్ చేయాలని ఆయన డిమాండ్ చేశారు.
మరోవైపు, సివిల్ లైన్స్ అసిస్టెంట్ కమిషనర్ ఆఫ్ పోలీస్ (ACP) విద్యుత్ గోయల్ ఈ ఆరోపణలను తోసిపుచ్చారు. విద్యార్థుల నిరసనలో కొందరు అసాంజిక శక్తులు ప్రవేశించి ప్రభుత్వ మరియు ప్రైవేటు ఆస్తులను ధ్వంసం చేశారని ఆయన తెలిపారు. సిసిటివి ఫుటేజ్ ఆధారంగా 10 మందిని గుర్తించి అరెస్టు చేసినామని, వారు విద్యార్థులు కాదని ఆయన స్పష్టం చేశారు.
