జార్ఖండ్‌లో ఉద్యోగ పరీక్షల్లో అక్రమాలకు వ్యతిరేకంగా జరుగుతున్న నిరసనల సందర్భంగా, రాంచీలోని బీర్సా చౌక్ వద్ద AISA ప్రెసిడెంట్ నేహా బోరాపై ఒక వ్యక్తి సిరా విసిరిన సంఘటన చోటుచేసుకుంది. నిందితుడు ఆమెను 'దేశద్రోహి'గా అభివర్ణించగా, పోలీసులు అతడిని అదుపులోకి తీసుకున్నారు. నేహా బోరా ఉమర్ ఖలీద్ మద్దతుదారు అని, అందుకే తనకు ఆమె ఇష్టం కాదని నిందితుడు మీడియాకు తెలిపాడు.

ఈ ఘటనపై స్పందించిన నేహా బోరా, సిరా విసిరినందుకు తాను భయపడనని తేల్చి చెప్పారు. గతంలో ఢిల్లీలో నిరసనల సమయంలో పెల్లెట్ గన్ దాడులు, లాఠీఛార్జ్ ఎదుర్కొన్నామని, అప్పుడు భయపడలేదని, ఇప్పుడు ఈ సాధారణ సిరా వల్ల తనకు ఏమీ కాదు అని ఆమె అన్నారు.

జార్ఖండ్‌లో నియామక పరీక్షల్లో అక్రమాలపై జరుగుతున్న విద్యార్థుల పోరాటం 14వ రోజుకు చేరుకుంది. పరీక్షల నిర్వహణలో వైఫల్యాలకు ప్రైవేట్ సంస్థలను మాత్రమే కాకుండా, ప్రభుత్వ అధికారులను కూడా బాధ్యులను చేయాలని విద్యార్థి సంఘాలు డిమాండ్ చేస్తున్నాయి.