కెనడాలోని ఒంటారియోలో జరిగిన 2026 ప్రపంచ స్క్వాష్ జూనియర్ ఛాంపియన్‌షిప్ ఫైనల్‌లో అనహత్ సింగ్ ఈజిప్టుకు చెందిన రుక్కాయా సలేమ్‌ను 11-3, 11-7, 11-9 తేడాతో ఓడించి ఛాంపియన్‌గా నిలిచారు. 18 ఏళ్ల అనహత్ ఈ టోర్నీలో టాప్ సీడ్‌గా నిలిచి అద్భుత ప్రదర్శన చేశారు.

ప్రపంచ ర్యాంకింగ్‌లో 20వ స్థానంలో ఉన్న అనహత్, గత కొన్నేళ్లుగా సెమీఫైనల్స్ లేదా క్వార్టర్ ఫైనల్స్‌లో నిష్క్రమించినప్పటికీ, తన చివరి జూనియర్ సంవత్సరంలో ఈ గొప్ప విజయాన్ని సాధించారు. ఫైనల్ మ్యాచ్‌లో ఆమె తన ప్రత్యర్థిపై పూర్తి ఆధిపత్యాన్ని ప్రదర్శించి విజయాన్ని అందుకున్నారు.