శ్రీలంకతో జరగనున్న టెస్టు సిరీస్ ద్వారా టీమిండియాలోకి తిరిగి ప్రవేశించాలనుకున్న సీనియర్ పేసర్ మహ్మద్ షమీ ఆశలకు గట్టి ఎదురుదెబ్బ తగిలింది. గాయంతో దూరమైన స్టార్ బౌలర్ జస్ప్రీత్ బుమ్రా స్థానంలో జమ్మూ కాశ్మీర్ పేసర్ అకిబ్ నబీని అజిత్ అగార్కర్ నేతృత్వంలోని సెలక్షన్ కమిటీ ఎంపిక చేసింది.

ఈ ఎంపిక ద్వారా సెలక్టర్లు మహ్మద్ షమీకి ఒక స్పష్టమైన సంకేతాన్ని పంపారు. షమీ పూర్తిగా ఫిట్‌నెస్ సాధించే వరకు అతనిని జట్టులోకి తీసుకునేందుకు సెలక్షన్ కమిటీ తొందరపడటం లేదని దీని ద్వారా అర్థమవుతోంది. అదే సమయంలో యువ ప్రతిభను ప్రోత్సహించేందుకు సెలక్టర్లు ప్రాధాన్యత ఇస్తున్నట్లు స్పష్టమవుతోంది.