2026 గ్లాస్గో కామన్వెల్త్ గేమ్స్‌లో రజత పతకాన్ని గెలుచుకున్న బాక్సర్ లవ్లీనా బోర్గోహైన్‌ను ప్రధానమంత్రి నరేంద్ర మోదీ ప్రత్యేకంగా అభినందించారు. క్రీడల్లో విజయం సాధించడమే కాకుండా, గ్లాస్గోలోని ఒక రెస్టారెంట్‌లో భారత మ్యాప్ తప్పుగా ఉండటాన్ని గమనించి ఆమె గళం విప్పారు. క్రీడాకారులతో సమావేశమైన సందర్భంగా ప్రధాని మోదీ ఈ విషయాన్ని ప్రస్తావిస్తూ, ఆమె తీసుకున్న నిర్ణయం సాధారణమైనది కాదని, ప్రజలు దీనిని ఎంతో కాలం గుర్తుంచుకుంటారని అన్నారు.

భారత బాక్సింగ్ జట్టు ఒక రెస్టారెంట్‌కు వెళ్ళినప్పుడు, అక్కడ ఉన్న మ్యాప్‌లో ఈశాన్య రాష్ట్రాలు లేవని లవ్లీనా గమనించారు. అస్సాంకు చెందిన లవ్లీనా చాలా మర్యాదపూర్వకంగా రెస్టారెంట్ యాజమాన్యానికి ఈ విషయాన్ని తెలియజేశారు. దీనితో రెస్టారెంట్ యాజమాన్యం క్షమాపణలు కోరడమే కాకుండా మ్యాప్‌ను సరిచేసింది. వేడుకల సమయంలో కూడా దేశ మ్యాప్ యొక్క ప్రాముఖ్యతను గుర్తించిన లవ్లీనా చైతన్యాన్ని ప్రధాని మోదీ ప్రశంసించారు.