టీమ్ ఇండియా మాజీ ఆటగాడు వీవీఎస్‌ లక్ష్మణ్‌కు బిసిసిఐ భారీ బాధ్యతను అప్పగించేందుకు సిద్ధమవుతోంది. ప్రస్తుతం సెంటర్ ఆఫ్ ఎక్స్‌లెన్స్‌ హెడ్‌గా ఉన్న లక్ష్మణ్‌ను 'డైరెక్టర్ ఆఫ్ క్రికెట్'గా నియమించే ఆలోచనలో బోర్డు ఉంది. సెప్టెంబర్‌లో జరగనున్న బిసిసిఐ సర్వసభ్య సమావేశంలో ఈ కీలక నిర్ణయం వెలువడవచ్చు.

డైరెక్టర్ ఆఫ్ క్రికెట్‌గా లక్ష్మణ్ జట్టు, కోచ్‌లు మరియు సెలక్టర్ల మధ్య సమన్వయం చేస్తూ, క్రికెట్ అభివృద్ధికి అవసరమైన ప్రణాళికలను రూపొందించాల్సి ఉంటుంది. అదే సమయంలో, చీఫ్ సెలక్టర్ అజిత్ అగార్కర్ పదవీకాలం వచ్చే ఏడాది జూన్ వరకు పొడిగించే దిశగా బిసిసిఐ అడుగులు వేస్తోంది. వన్డే ప్రపంచ కప్ సమీపిస్తున్న నేపథ్యంలో ఈ నిర్ణయం కీలకం కానుంది.