పోస్టర్లలో బొద్దింక చిత్రాలను ఉపయోగించడం ద్వారా రాజకీయ అర్థాలను ప్రదర్శించారని పేర్కొంటూ, జాతీయ సదస్సు కోసం మంజూరు చేసిన నిధులను తిరిగి చెల్లించాలని మహాతమా గాంధీ యూనివర్సిటీ వైస్ ఛాన్సలర్ ఇచ్చిన ఉత్తర్వులను కేరళ హైకోర్టు స్టే విధించింది. దీనిపై విద్యార్థి సంఘం కోర్టును ఆశ్రయించింది.

వివాదాస్పద పోస్టర్లు విద్యార్థుల ప్రవర్తనా నియమావళి, 2005 నిబంధనలను ఉల్లంఘించలేదని మరియు నిధులను తిరిగి వసూలు చేసే అధికారం విశ్వవిద్యాలయానికి లేదని విద్యార్థి సంఘం పిటిషన్‌లో పేర్కొంది. పోస్టర్‌లోని కళాఖండాలు కేవలం ప్రతిఘటనకు చిహ్నంగా మాత్రమే ఉన్నాయని వారు వాదించారు.

ఏ రాజకీయ పార్టీకి సంబంధించిన చిహ్నాలు, జెండాలు లేదా నినాదాలు కూడా పోస్టర్లలో లేవని విద్యార్థి సంఘం ప్రతినిధులు వివరించారు. అయినప్పటికీ, యూనివర్సిటీ రిజిస్ట్రార్ వారి వివరణ సంతృప్తికరంగా లేదని పేర్కొంటూ నిధుల మంజూరును రద్దు చేస్తూ నోటీసు జారీ చేశారు. దీనిపై కోర్టు స్పందిస్తూ స్టే విధించింది.