இந்தியாவின் ஆறாவது பெரிய சிமெண்ட் நிறுவனமான டால்மியா பாரத லிமிடெட் தனது ஜூன் காலாண்டு முடிவுகளை வெளியிட்டுள்ளது. நிறுவனத்தின் நிகர லாபம் ஆண்டுக்கு ஆண்டு 51.4% சரிந்து 188 கோடி ரூபாயாக உள்ளது. கடந்த ஆண்டின் இதே காலாண்டில் லாபம் 393 கோடி ரூபாயாக இருந்தது குறிப்பிடத்தக்கது. வருவாய் 7% உயர்ந்து 3,890 கோடி ரூபாயாக இருந்தாலும், செயல்பாட்டு லாபம் (EBITDA) மற்றும் மார்ஜின் குறைந்துள்ளது.

சமீபத்தில், அதானி குழுமத்திடமிருந்து ஜேபி அசோசியேட்ஸ் நிறுவனத்தின் உத்தரபிரதேசம் மற்றும் மத்தியப் பிரதேசத்திலுள்ள சிமெண்ட் ஆலைகள், கிரைண்டிங் யூனிட்கள் மற்றும் தெர்மல் பவர் பிளான்ட்களை டால்மியா பாரத கையகப்படுத்தியுள்ளது. இந்த கையகப்படுத்துதலுக்குப் பிறகு நிறுவனத்தின் மொத்த உற்பத்தித் திறன் 54.7 MnTPA ஆக உயர்ந்துள்ளது. மத்திய இந்தியாவில் தனது சந்தையை விரிவுபடுத்த இந்த நடவடிக்கை எடுக்கப்பட்டுள்ளது.