இந்தியாவின் ஸ்டார்ட்அப் உலகம் வேகமாக மாறிவருகிறது. முன்னதாக பெரிய தொழிலதிபர்களின் குடும்பங்களே கோடீஸ்வரர் பட்டியலில் இடம் பெற்றன. ஆனால், இப்போது புதிய தலைமுறை இளைஞர்கள் மிகக் குறைந்த வயதிலேயே பல கோடி மதிப்புள்ள நிறுவனங்களை உருவாக்கி வருகின்றனர். இதற்கு மிகச்சிறந்த உதாரணம் Zepto நிறுவனத்தின் இணை நிறுவனர் கைவல்யா வோஹ்ரா.

கைவல்யா வோஹ்ரா மற்றும் அவரது நண்பர் ஆதித் பலிச்சா ஸ்டான்போர்ட் பல்கலைக்கழகத்தில் படித்துக்கொண்டிருந்தபோதே, தங்கள் யோசனையைச் செயல்படுத்த கல்லூரிப் படிப்பை விட்டு விலகியுள்ளனர். கோவிட் காலக்கட்டத்தில் வாட்ஸ்அப் மூலம் மளிகைப் பொருட்களை விநியோகம் செய்ததில் தொடங்கிய இவர்களின் பயணம், 2021-ல் Zepto ஆக உருவெடுத்தது. 10 நிமிடத்தில் டெலிவரி செய்யும் முறையும், AI தொழில்நுட்பப் பயன்பாடும் இவர்களைத் தனித்து காட்டுகிறது.