இந்தியாவின் 80-வது சுதந்திர தினத்தை முன்னிட்டு அமெரிக்க வெளியுறவுத்துறை அமைச்சர் மார்கோ ரூபியோ இந்திய மக்களுக்கு தனது வாழ்த்துகளைத் தெரிவித்துள்ளார். அமெரிக்கா மற்றும் இந்தியா இடையிலான இருதரப்பு உறவு முன்னெப்போதையும் விட வலிமையாக இருப்பதாகவும் அவர் கூறினார். அதிபர் டொனால்ட் டிரம்ப் மற்றும் பிரதமர் நரேந்திர மோடிக்கு இடையிலான தனிப்பட்ட உறவு, இந்த உறவை அடுத்த கட்டத்திற்கு எடுத்துச் சென்றுள்ளதாகவும் அவர் குறிப்பிட்டார்.

பாதுகாப்பு, எரிசக்தி பாதுகாப்பு, செயற்கை நுண்ணறிவு, விண்வெளி ஆராய்ச்சி மற்றும் வர்த்தகம் போன்ற முக்கிய துறைகளில் இரு நாடுகளும் இணைந்து செயல்படுவதை அவர் சுட்டிக்காட்டினார். இரு நாட்டு மக்களுக்கிடையிலான குடும்ப மற்றும் கலாச்சார உறவுகள், ஒரு புதுமையான மற்றும் எதிர்காலத்தை நோக்கிய கூட்டாண்மைக்கு அடித்தளமாக அமைகின்றன என்று அவர் மேலும் தெரிவித்தார்.