பாகிஸ்தான் சுமத்தியுள்ள குற்றச்சாட்டுகள் அடிப்படையற்றவை மற்றும் உண்மைகளுக்கு எதிரானது என்று இந்தியா தெரிவித்துள்ளது. சினாப் நதியில் ஏற்பட்டுள்ள நீர்மட்ட உயர்வு, ஜம்மு மற்றும் அதன் சுற்றுவட்டாரப் பகுதிகளில் பெய்த கனமழை காரணமாகவே ஏற்பட்ட ஒரு இயற்கை நிகழ்வு என்று வெளியுறவு அமைச்சகம் கூறியுள்ளது.

ஜம்மு மற்றும் சினாப் நீர்சேகரிப்புப் பகுதிகளில் ஜூலை 20 முதல் 23 வரை கனமழை பெய்ததால் இந்த உயர்வு ஏற்பட்டுள்ளது என்று வெளியுறவுத்துறை செய்தித் தொடர்பாளர் ரந்தீர் ஜெய்ஸ்வால் தெரிவித்தார். பாகிஸ்தானின் சொந்த வெள்ள முன்னறிவிப்புப் பிரிவும் இந்த மழையினால் நீர்மட்டம் அதிகரித்துள்ளதை ஒப்புக்கொண்டுள்ளது குறிப்பிடத்தக்கது.