சுதந்திர தினத்தை முன்னிட்டு டெல்லியில் பாதுகாப்பு பலப்படுத்தப்பட்டுள்ளது. இந்திய முஜாஹிதீன், அல்-கொய்தா மற்றும் கலிஸ்தான் அமைப்புகளைச் சேர்ந்த 19 தேடப்படும் பயங்கரவாதிகளின் போஸ்டர்களை டெல்லி காவல்துறை வெளியிட்டுள்ளது.
ஆகஸ்ட் 15 சுதந்திர தின கொண்டாட்டங்களுக்கு முன்னதாக, பயங்கரவாத அச்சுறுத்தல்களைக் கருத்தில் கொண்டு டெல்லி மாநகரம் முழுவதும் உயர் எச்சரிக்கை விடுக்கப்பட்டுள்ளது. முன்னெச்சரிக்கை நடவடிக்கையாக, நகரின் முக்கிய இடங்கள், பொது இடங்கள் மற்றும் பரபரப்பான சந்தைகளில் 19 மோஸ்ட் வான்டட் பயங்கரவாதிகளின் போஸ்டர்கள் ஒட்டப்பட்டுள்ளன.
இந்த போஸ்டர்களில் இந்திய முஜாஹிதீன், அல்-கொய்தா மற்றும் பல்வேறு கலிஸ்தான் பயங்கரவாத அமைப்புகளைச் சேர்ந்த ஆபத்தான நபர்களின் புகைப்படங்கள் மற்றும் விவரங்கள் இடம்பெற்றுள்ளன. சந்தேகத்திற்குரிய நபர்களைப் பற்றி தகவல் அளிப்பவர்களுக்கு உரிய வெகுமதி வழங்கப்படும் என்றும், அவர்களின் அடையாளம் ரகசியமாக வைக்கப்படும் என்றும் காவல்துறை அறிவித்துள்ளது.
