2027 ஒற்றையடித் தொடர் உலகக் கோப்பைக்கு முன்னதாக நெதர்லாந்து கிரிக்கெட் அணியில் அதிரடி மாற்றம் ஏற்பட்டுள்ளது. விக்கெட் கீப்பர் பேட்டர் ஸ்காட் எட்வர்ட்ஸ் தனது கேப்டன் பதவியை ராஜினாமா செய்துள்ளார். கடந்த மூன்று ஆண்டுகளாக அணியை வழிநடத்திய அவர், இனி ஒரு வீரராக மட்டுமே அணியில் இருந்து அதிக பங்களிப்பை வழங்க விரும்புவதாகத் தெரிவித்துள்ளார்.

ஸ்காட் எட்வர்ட்ஸின் இந்த முடிவைத் தொடர்ந்து, ஆல்ரவுண்டர் பாஸ் டி லீடே உலகக் கோப்பை லீக்-2 போட்டிகளுக்கான புதிய கேப்டனாகத் தேர்ந்தெடுக்கப்பட்டுள்ளார். எட்வர்ட்ஸின் தலைமையின் கீழ் நெதர்லாந்து அணி தென்னாப்பிரிக்கா மற்றும் வங்கதேசம் போன்ற வலிமையான அணிகளை வீழ்த்தி உலக அளவில் கவனத்தை ஈர்த்தது குறிப்பிடத்தக்கது.