தெற்கு மேற்கு பிரான்சில் உள்ள ஜிரோண்ட பகுதியில் பரவி வரும் மிகப்பெரிய காட்டுத்தீயை தீயணைப்பு வீரர்கள் இரவு நேரத்தில் கட்டுப்பாட்டுக்குள் கொண்டு வந்தனர். அட்லாண்டிக் கடற்கரை மணல் பரப்பிற்கு அருகில் ஏற்பட்ட தீப்பொறிகள் கட்டுப்படுத்தப்பட்டாலும், வெப்பநிலை உயர்வு மற்றும் குறைந்த ஈரப்பதம் காரணமாக நிலைமை மிகவும் இக்கட்டானதாக உள்ளது. இதுவரை 420 சதுர கிலோமீட்டர் பரப்பளவு எரிந்துள்ளதாக அதிகாரிகள் தெரிவித்துள்ளனர்.

பிரான்ஸ் மற்றும் ஸ்பெயின் ஆகிய நாடுகளில் நிலவும் காட்டுத்தீயால் சுமார் 3,30,000 மக்கள் தங்கள் வீடுகளை விட்டு வெளியேற வேண்டிய கட்டாயத்திற்குத் தள்ளப்பட்டுள்ளனர். ஸ்பெயனில் இந்த கோடைகாலத்தின் நான்காவது வெப்ப அலை தொடங்கியுள்ளதுடன், அங்கு வரலாற்றிலேயே மிகப்பெரிய காட்டுத்தீயும் கட்டுப்பாடற்ற நிலையில் உள்ளது.

தீ பரவுவதைத் தடுக்க தீயணைப்புப் படையினர் மற்றும் ராணுவப் பொறியாளர்கள் இணைந்து 103 கிலோமீட்டர் நீளத்திற்கு தீ தடுப்புச் சுவர்களை உருவாக்கியுள்ளனர். பிரான்சில் இந்த ஆண்டு இதுவரை 1,16,000 ஹெக்டேருக்கும் அதிகமான நிலப்பரப்பு எரிந்து போயுள்ளது. கடுமையான வெப்பம் மற்றும் வறட்சி காரணமாக நிலைமை மீண்டும் மோசமடையலாம் என்று எச்சரிக்கப்பட்டுள்ளது.