டெல்லி உயர் நீதிமன்றம் புதன்கிழமை அன்று, தலைநகரின் அனைத்து காவல் நிலையங்களிலும் பெண் காவலர்களுக்காக சானிட்டரி பேட் விற்பனை இயந்திரங்களை நிறுவவும், அவர்களுக்கு பிரத்யேக கழிப்பறைகளை வழங்கவும் டெல்லி போலீசாருக்கு உத்தரவிட்டது. தலைமை நீதிபதி டி.கே. உபாத்யாயா மற்றும் நீதிபதி தேஜஸ் காரியா ஆகியோர் அடங்கிய அமர்வு, அனைத்து காவல் நிலையங்களிலும் தனித்தனி கழிப்பறைகள் மற்றும் சானிட்டரி பேட் வசதிகள் உள்ளனவா என்பதை ஆய்வு செய்ய ஆறு வார கால அவகாசம் அளித்து காவல் ஆணையருக்கு உத்தரவிட்டது.

பணிபுரியும் இடத்தில் பெண் காவலர்களின் அடிப்படை சுகாதார உரிமைகளை உறுதி செய்யக் கோரி தாக்கல் செய்யப்பட்ட பொதுநல மனுவின் அடிப்படையில் இந்த உத்தரவு பிறப்பிக்கப்பட்டுள்ளது. இந்த ஆய்வின் அறிக்கையின் அடிப்படையில், ஒவ்வொரு காவல் நிலையத்திலும் முறையான வசதிகள் செய்யப்பட வேண்டும் என்று நீதிமன்றம் கூறியுள்ளது. அடுத்தகட்ட நடவடிக்கைகள் குறித்த விவரங்களுடன் ஒரு பிரமாணப் பத்திரத்தைச் சமர்ப்பிக்க காவல்துறைடம் நீதிமன்றம் கேட்டுக்கொண்டுள்ளது.