ఉత్తరప్రదేశ్లోని ప్రయాగ్రాజ్లో తన తమ్ముడి ప్రేయసితో సంబంధం పెట్టుకోవాలనే ఆశతో, 21 ఏళ్ల శివమ్ రాయ్ అనే యువకుడు తన సోదరుడిని సుత్తితో కొట్టి చంపేశాడు.
ఉత్తరప్రదేశ్లోని ప్రయాగ్రాజ్లో ఒక విస్తుపోయే ఘటన వెలుగులోకి వచ్చింది. 21 ఏళ్ల కంటెంట్ క్రియేటర్ శివమ్ రాయ్, తన సోదరుడు సుమిత్ కుమార్ను హతమార్చినట్లు పోలీసులు గుర్తించారు. సుమిత్ ప్రేయసితో శివమ్ సంబంధం పెంచుకోవాలని అనుకోవడంతో, ఆమెను పొందడమే లక్ష్యంగా ఈ హత్యకు పన్నాగం పన్నినట్లు పోలీసులు తెలిపారు.
శివమ్ సుమిత్ను ఒక నిర్మానుష్య ప్రాంతానికి తీసుకెళ్లి, సుత్తితో తలలపై కొట్టి చంపేశాడు. అనంతరం సాక్ష్యాలు లేకుండా చేయడానికి మృతదేహానికి నిప్పు పెట్టాడు. సుమిత్ బతికే ఉన్నాడని నమ్మించడానికి అతని యూపీఐ (UPI) ఐడి ద్వారా డబ్బులు డిమాండ్ చేస్తూ మెసేజ్లు కూడా పంపాడు. కుటుంబ సభ్యులు నమ్మకంతో కొంత నగదు కూడా పంపారు, కానీ చివరకు పోలీసులు శివమ్ను అరెస్ట్ చేశారు.
