ఆప్ ఢిల్లీ యూనిట్ ప్రెసిడెంట్ సౌరభ్ భరద్వాజ్ ఒక ప్రెస్ కాన్ఫరెన్స్‌లో మాట్లాడుతూ, మంత్రి సిర్సా శాఖ సిఫార్సు మేరకు FCI ప్రతి వారం 31,000 మెట్రిక్ టన్నుల బియ్యాన్ని అస్సాంకు చెందిన ఒక సంస్థకు సబ్సిడీ ధరకు సరఫరా చేసినట్లు తెలిపారు. కానీ, ఆ బియ్యం పేదలకు చేరకుండా హర్యానాలోని ఒక ప్రైవేట్ కంపెనీకి రెట్టింపు ధరకు విక్రయించబడినట్లు ఆయన ఆరోపించారు.

కిలోకు 23 రూపాయలకు సేకరించిన బియ్యాన్ని బహిరంగ మార్కెట్‌లో 46 రూపాయలకు విక్రయించారని, దీని ద్వారా భారీగా కమిషన్లు సంపాదించారని భరద్వాజ్ పేర్కొన్నారు. ఈ వ్యవహారంలో ఒక అధికారిని సస్పెండ్ చేసినప్పటికీ, అసలు దోషులు బయటపడకుండా రక్షణ కల్పిస్తున్నారని ఆప్ నేతలు విమర్శించారు. దీనిపై స్పందించిన మంత్రి సిర్సా, ఇవన్నీ నిరాధారమైన ఆరోపణలని, 24 గంటల్లో క్షమాపణలు కోరకపోతే చట్టపరమైన చర్యలు తీసుకుంటానని హెచ్చరించారు.