జమ్మూ కాశ్మీర్ ముఖ్యమంత్రి ఉమర్ అబ్దుల్లా శుక్రవారం పాకిస్థాన్‌ను తీవ్రంగా విమర్శించారు. భారతదేశ అంతర్గత వ్యవహారాల్లో జోక్యం చేసుకోవడం మానేసి, పాక్ ఆక్రమిత జమ్మూ కాశ్మీర్‌లో జరుగుతున్న మానవ హక్కుల ఉల్లంఘనలను అరికట్టాలని ఆయన సూచించారు. అక్కడ భద్రతా దళాలు చేస్తున్న అరాచకాలను వెంటనే నిలిపివేయాలని ఆయన డిమాండ్ చేశారు.

కాశ్మీర్‌లో ఎక్కడా మానవ హక్కుల ఉల్లంఘనలు జరగడం లేదని, ఒకవేళ జరుగుతుంటే అవి పాక్ ఆక్రమిత ప్రాంతాల్లోనే జరుగుతున్నాయని ఆయన స్పష్టం చేశారు. అక్కడ ఎంతమంది ప్రాణాలు కోల్పోయారు, ఎంతమందిపై దాడులు జరిగాయి అనే దానికి పాకిస్థాన్ సమాధానం చెప్పాలని కోరారు.

అంతేకాకుండా, ఆర్ఎస్ఎస్ అధినేత మోహన్ భాగవత్ చేసిన వ్యాఖ్యలను ఆయన స్వాగతించారు. మెహబూబా ముఫ్తీకి సంబంధించిన వివాదంపై మాట్లాడుతూ, ఇది ఒక 'ఫిక్స్‌డ్ మ్యాచ్' అని ఆయన అభిప్రాయపడ్డారు.