ఉత్తరప్రదేశ్‌లోని హాథ్రస్ జిల్లా సలేంపూర్ ప్రాంతంలో శుక్రవారం సాయంత్రం ఈ ఘోర ప్రమాదం జరిగింది. 56 ఏళ్ల సుభాష్ చంద్ర, తన 6 ఏళ్ల మనవడు దక్ష్‌తో కలిసి మోపెడ్‌పై తిరిగి వస్తుండగా, 'మజిస్ట్రేట్' అని రాసి ఉన్న ప్రభుత్వ బోలెరో వాహనం వారిని బలంగా ఢీకొట్టింది. ఈ ప్రమాదంలో తాత, మనవడు ప్రాణాలు కోల్పోగా, మరో వ్యక్తి తీవ్రంగా గాయపడ్డారు.

పోలీసుల కథనం ప్రకారం, ఈ వాహనం నైబ్ తహశీల్దార్ అశోక్ గుప్తాకు చెందినది. ప్రమాదం జరిగిన తర్వాత వాహనంలోని అధికారులు గాయపడిన వారికి సహాయం చేయకుండా, డ్రైవర్‌తో కలిసి అక్కడి నుండి పారిపోయారు. ఈ ఘటన స్థానికంగా తీవ్ర ఆగ్రహాన్ని రగిల్చింది.