డయాబెటిస్ రోగులకు రక్తంలో చక్కెర స్థాయి అకస్మాత్తుగా పెరగడం అనేది ఒక అత్యవసర పరిస్థితి. వైద్యుల ప్రకారం, రక్తంలో చక్కెర స్థాయి 240-300 mg/dL కంటే ఎక్కువగా ఉంటే దానిని 'హైపర్గ్లైసీమియా' అంటారు. దీనివల్ల విపరీతమైన దాహం, తరచుగా మూత్ర విసర్జన, అలసట, చూపు మసకబారడం మరియు తలనొప్పి వంటి లక్షణాలు కనిపిస్తాయి.

చక్కెర స్థాయి పెరిగినట్లు అనిపిస్తే, ముందుగా చేతులను శుభ్రంగా కడుక్కుని మళ్ళీ ఒకసారి పరీక్షించుకోవాలి. ఈ సమయంలో డాక్టర్ సూచించిన కరెక్షన్ ఇన్సులిన్‌ను తీసుకోవడం, తగినంత నీరు తాగడం మరియు 10 నుండి 15 నిమిషాల పాటు తేలికపాటి నడక చేయడం వల్ల చక్కెర స్థాయిని నియంత్రించవచ్చు. అయితే, కళ్ళు తిరుగుతున్నప్పుడు నడవకూడదు.

ఒకవేళ చక్కెర స్థాయి 300 mg/dL దాటితే, ఇంట్లోనే నియంత్రించడం కష్టమవుతుంది. రోగికి ఇతర తీవ్రమైన లక్షణాలు కనిపిస్తే, ఏమాత్రం ఆలస్యం చేయకుండా వెంటనే ఆసుపత్రికి వెళ్లాలి. షుగర్ లెవల్స్ అకస్మాత్తుగా పెరగకుండా ఉండాలంటే సమయానికి మందులు వేసుకోవడం, తీపి పదార్థాలకు దూరంగా ఉండటం మరియు క్రమం తప్పకుండా వ్యాయామం చేయడం చాలా ముఖ్యం.