ఈ ఘటన కాన్పూర్‌లోని స్వరూప్ నగర్ SBI బ్రాంచ్‌లో జరిగింది. బాధితురాలు 2003లో స్టేట్ బ్యాంక్ ఆఫ్ ట్రావన్‌కోర్ (SBT) లో లాకర్‌ను తీసుకున్నారు, తర్వాత అది SBIలో విలీనమైంది. అందులో ఆమె 50 లక్షల రూపాయల విలువైన బంగారు నగలను భద్రపరిచారు. భర్త మరణం తర్వాత ఆమె లక్నోకు వెళ్లిపోవడంతో బ్యాంకుకు వెళ్లడం తగ్గింది, కానీ ఆమె ఖాతా నుండి లాకర్ ఛార్జీలు క్రమం తప్పకుండా కట్ అవుతూనే ఉన్నాయి.

ఇటీవల ఆమె లాకర్‌ను తెరిచి చూడగా, అందులో ఏమీ లేకపోవడంతో షాక్‌కు గురయ్యారు. ఆమె ఫిర్యాదు మేరకు పోలీసులు బ్యాంక్ మేనేజర్ మరియు ఇతర సిబ్బందిపై FIR నమోదు చేశారు. ప్రాథమిక విచారణలో ఆ లాకర్‌ను గతంలో ఎవరో యాక్సెస్ చేసినట్లు ఆధారాలు లభించాయి. ప్రస్తుతం పోలీసులు సీసీటీవీ ఫుటేజ్ మరియు లాకర్ రిజిస్టర్లను పరిశీలిస్తున్నారు.